Add Poetry

"کن" کہہ کے سب کج کر دیندا

Poet: سیدہ سعدیہ عنبر جیلانی By: سیدہ سعدیہ عنبر جیلانی, فیصل آباد
Kun Keh Kar Sab Kar Denda

کدی شہ رگ کول وسدا ایں کدی نظر دے وچ وی آندا نئیں
کدی چار چوفیرے دسدا ایں کدی تیرے سوا کج دسدا نئیں

کدی طلب تے طور جلاندا ایں کدی عرش تے آپ بلاندا ایں
کدی کربل وی وکھا دیند کدی چشمہ اج تک رکدا نئیں

کتے حسن تھیں انگلاں کٹدیاں نیں کتے اٹی مل پوانا ایں
کتے چھری نوں آپ رکا دیند کتے بچہ وی کوئی بچدا نئیں

کتے عصا سپ بنا دیند کتے بچے نوں بلوا دیند
کتے آپ وسا کے جنت وچ فیر جنت وچ وی رکھدا نئیں

صلیب چڑھا کے آپے فیر عرش ول بلا لیند
‏"کن" کہہ کے سب کج کر دیندا  جو چاہندا نئیں ہو سکدا نئیں

کدی اگ گلزار بنا دیند کدی چاہ وچہ آپ پوا دیند
رحمن وی توں سلطان وی توں بن مرضی پتہ ہلدا نئیں

کتے جان تے من وچ وسدا ایں کدی ورھیوں بعد ملدا ایں
کدی اتھرو روا کے لبھدا ایں کدی تیرے سوا کج لبھدا نئیں

Rate it:
Views: 1521
02 May, 2015
More Punjabi Poetry
Popular Poetries
View More Poetries
Famous Poets
View More Poets