Add Poetry

وہ کس پہ کس طرح کھلا، کھلا نہیں

Poet: Shabbir Nazish By: Shabbir Nazish, Karachi

وہ کس پہ کس طرح کھلا، کھلا نہیں
مکمل آج تک خدا کھلا نہیں

مَیں خاک ہوں کہ نور کا ظہور ہوں
مَیں عکس ہوں کہ آئینہ، کھلا نہیں

وہ جس نے تشنگی کے ہونٹ تر کیے
وہ اَشک تھا کہ آبلہ، کھلا نہیں

ابھی کہاں ہوا ہے یہ سفر تمام
تمام رنگِ کربلا، کھلا نہیں

سفر کے باوجود مَیں وہیں پہ ہوں
زمیں نہیں کہ راستا، کھلا نہیں

وہ مجھ پہ کھل گیا تو مجھ پہ یہ کھلا
کہ مجھ پہ کھل گیا ہے کیا، کھلا نہیں
 

Rate it:
Views: 366
27 Mar, 2015
Related Tags on Sad Poetry
Load More Tags
More Sad Poetry
Popular Poetries
View More Poetries
Famous Poets
View More Poets