Add Poetry

اتھرو بن کے ڈُھل جاواں گے

Poet: Azra Naz By: Azra Naz, Reading UK

اتھرو بن کے ڈُھل جاواں گے
گلیاں دے وچ رُل جاواں گے

تو جے ساتھوں دور گیا تے
بھلدے بھلدے بھلُ جاواں گے

ویلے دی دُھپ سہندے سہندے
برفاں وانگوں گھُلُ جاواں گے

اوکھے ویلے تیرے اتے
پکھی وانگوں جھل جاواں گے

جے انج ہوکے بھردے رہے تے
اک دن سب تے کھل جاواں گے

سانوں خبر نئیں سی ایہدی
ککھاں دے نال تلُ جاواں گے

جگ نوں سوہنے سخناں والے
دے کے سجرے پھل جاواں گے

اوہدے ہر احسان دا عذراؔ
دے کے اک دن مل جاواں گے

Rate it:
Views: 1607
22 Sep, 2014
Related Tags on Sad Poetry
Load More Tags
More Sad Poetry
Popular Poetries
View More Poetries
Famous Poets
View More Poets