کتنے عجیب روگ میں ہم مبتلا ہوئے
Poet: نوشین فاطمہ عبدالحق By: نوشین فاطمہ عبدالحق, Jeddah,KSAکتنے عجیب روگ میں ہم مبتلا ہوئے
ہر درد لا دوا کی انوکھی دوا ہوئے
پل پل پگھل کے ہم نے ہے پھیلائی روشنی
موم گداختہ ہوئے جلتا دیا ہوئے
گزرے جہاں جہاں سے کیے دور غم سبھی
خوشیاں بکھیرتی ہوئی غمگیں ہوا ہوئے
جو غمزدہ دلوں میں ہنسی بن کے گھر کرے
فطرت کی ہم وہ شوخ و نرالی ادا ہوئے
دکھ درد ہر کسی کے ہمیں اپنے ہی لگیں
نوشی یہ اس جنون میں ہم کیا سے کیا ہوئے
Rate it: 
Views: 543
10 Sep, 2014
More Love / Romantic Poetry
