Ae Urdu Zabaan

Aagosh-E-Qalab Mai Rakha Hai Tujhe
Mohabbat Se Humne Padha Hai Tujhe

Sada Motiyon Sa Tera Bankpan
Sahuliyat Se Rubaru Tera Ye Badan

Hui Hain Tujhi Pe Nighahein Fida
Ae Urdu Zubaan Ae Urdu Zabaan

Teri Taaj-Poshi Nihgaahon Taley
Tujhi Se Ghazal K Shuroo Silsiley

Tujhi Se Muqammal Qata-E-Safar
Tujhe Padh Rahi Hai Jahan Ki Nazar

Mehakta Hai Tujhse Faza-O-Samaa
Ae Urdu Zabaan Ae Urdu Zabaan

Khayyam-E-Rubaai Tera Ziqr Hai
Tu Ghalib Se Lipta Koi Itr Hai

Bohat Khoobsurat Teri Khushbooein
Bohat Kismati Wo Jise Tu Mile

Zamaane Mai Hai Koi Tujhsa Kahan
Ae Urdu Zabaan Ae Urdu Zabaan

Tujhe Bolne Se Hain Lab Jhoomte
Mohabbat Se Tera Badan Choomte

Dilo Mai Jo Tujhko Basaya Kare
Khuda K Fazal Se Wo Nahaya Kare

Rahe Jab Talak Tu Rahe Ye Jahaan
Ae Urdu Zabaan Ae Urdu Zabaan