Add Poetry

تم نہ تھے تو میری قسمت کا ستارہ کون تھا

Poet: Azra Naz By: Azra Naz, Reading UK

تم نہ تھے تو میری قسمت کا ستارہ کون تھا
بن تمہارے جانِ جاں ہم کو گوارہ کون تھا

رات کے پچھلے پہر کھڑکی کا پٹ کھولے ہوئے
تم تھے وہ شاید کہ تھا سایہ تمہارا ، کون تھا

مہرباں تھا وقت یا ماں کی دعا وَں کا اثر
جس نے میری زیست کا چہرہ نکھارا کون تھا

میں کسی سے بھی نہ واقف تھی نئے اس شہر میں
نام سے میرے مجھے جس نے پکارا کون تھا

دست قدرت کے سوا وہ کوئی ہو سکتا نہ تھا
پوچھ مت جس نے سرِ ساحل اتارا کون تھا

کون تھا جس نے مجھے دل میں بسایا تھا کبھی
اور پھر جس نے مجھے دل سے اتارا کون تھا ؟

زندگی کی دھوپ کے جلتے ہوئے صحراوَں میں
گر نہ ہوتا آسرا رب کا ہمارا کون تھا
 

Rate it:
Views: 1041
11 Jun, 2014
Related Tags on Life Poetry
Load More Tags
More Life Poetry
Popular Poetries
View More Poetries
Famous Poets
View More Poets