Add Poetry

غزل کی دھڑکن سخن کی روشن جبین ہُوں میں

Poet: Aisha Baig Aashi By: Aisha Baig Aashi, karachi

غزل کی دھڑکن سخن کی روشن جبین ہُوں میں
میں استعارہ نہیں , مکمل یقین ہُوں میں

وفا کی فصلوں کی آبیاری سرشت میری
صداقتوں کی محبتوں کی زمین ہُوں میں

فلک سے اُوپر بھی دیکھوں پاتال میں بھی دیکھوں
عجیب وحشت مزاج حساس بین ہُوں میں

غریقِ جلوت خیال میں ماوریٰ نظر سے
کہ ظاہراً ہر نظر میں خلوت نشین ہوں میں

کشش زمیں کی نہ کھینچ پائے وجود میرا
زمین سے دُور ہُوں خلا کی مکین ہُوں میں

مجھے تراشا ہے جس نے عاشی اُسی نظر نے
یقیں دیا ہے سخن کی صورت حسین ہُوں میں

Rate it:
Views: 422
03 Jun, 2014
Related Tags on General Poetry
Load More Tags
More General Poetry
Popular Poetries
View More Poetries
Famous Poets
View More Poets