Tere Doston Main Hoon K Tere Dushmanon Main Hoon

Tere Doston Main Hoon K Tere Dushmanon Main Hoon
Main Tere Qareeb Aa K Bohot Uljhanon Main Hoon

Badlaa Naa Mere Baad Bhi Mouzoo-e-guftagoo
Main Ja Chuka Hoon Phir Bhi Teri Mehfilon Main Hoon

Mujh Say Guraiz-paa Hai Toh Har Raasta Badal
Main Sang-e-raah Hun To Sabhi Raston Main Hoon

Mujh Say Bichar K Tu Bhi Roye Ga Umar Bhar
Yeh Yaad Rakh, Main Bhi Teri Chahaton Main Hoon