Add Poetry

میں زندگی کی تمنا میں مر نہیں سکتی

Poet: Azra Naz By: Azra Naz, Reading UK

میں زندگی کی تمنا میں مر نہیں سکتی
کہ حادثاتِ زمانہ سے ڈر نہیں سکتی

وہ فیصلہ جو مجھے آپ سے جدا کر دے
وہ فیصلہ میں کسی طور کر نہیں سکتی

ترے جمال کا چھایا ہے اس طرح جادو
مری نگاہ کسی پر ٹھہر نہیں سکتی

نجانے کیسے گذاروں گی میں اسے تنہا
وہ زندگی جو ترے بن گذر نہیں سکتی

گذارنا ہے اسے اب سنوارنا کیا ہے
یہ زندگی جو کبھی اب سنور نہیں سکتی

تری نگاہِ کرم کے بنا مرے مولا !
مری حیات کی صورت نکھر نہیں سکتی

بھرا ہی رہتا ہے پانی ہمیشہ آ نکھوں میں
ندی یہ اشکوں کی شاید اتر نہیں سکتی

رہے گی یاد تمہاری سدا مرے دل میں
غبار بن کے ہوا میں بکھر نہیں سکتی

خدا گواہ بنا تھا بوقتِ عہدِ وفا
میں اپنے عہدِ وفا سے مکر نہیں سکتی

Rate it:
Views: 660
14 Jan, 2014
Related Tags on Sad Poetry
Load More Tags
More Sad Poetry
Popular Poetries
View More Poetries
Famous Poets
View More Poets