Add Poetry

سوچ کے گہرے سمندر میں اترنا ہے مجھے

Poet: Riffat Yasmin By: Riffat Yasmin, UK

سوچ کے گہرے سمندر میں اترنا ہے مجھے
آگہی کی آخری حد سے گذرنا ہے مجھے

ہمتوں کے خوبصورت چُن رہی ہوں پھوُل میں
زیست کا اُجڑا ہوا موسم بدلنا ہے مجھے

راستے میں ایک دو پل کو پڑاؤ ہیں مِرے
اور آگے ہے مِری منزل کہ چلنا ہے مجھے

کچھ گھنے بادل تھے میری ذات پر چھاۓ ہوۓ
بن کے سوُرج روشنی کا اب نکلنا ہے مجھے

توُ نے رفعتؔ کے لیۓ کچھ بھی نہیں اب تک کیا
اپنی خاطر کچھ نہ کچھ اب کر گذرنا ہے مجھے
 

Rate it:
Views: 440
05 Nov, 2012
Related Tags on Life Poetry
Load More Tags
More Life Poetry
Popular Poetries
View More Poetries
Famous Poets
View More Poets