Add Poetry

پہلے سے ہی آندھی کا پتہ کیوں نہیں دیتے

Poet: وشمہ خان وشمہ By: وشمہ خان وشمہ, ملایشیا

پہلے سے ہی آندھی کا پتہ کیوں نہیں دیتے
خوابیدہ پرندوں کو جگا کیوں نہیں دیتے

آنکھوں میں بٹھا رکھا ہے کچھ روز سے تم نے
اب دل میں مری جان جگہ کیوں نہیں دیتے

شاہوں سے تعلق تو بنا رکھا ہے سب نے
ہم جیسے فقیروں کو صدا کیوں نہیں دیتے

کیوں دیکھتے رہتے ہو یہ سانسوں کا تماشا
خاموش مسیحا ہو ،دوا کیوں نہیں دیتے

نادان ہو، غم خوار ہو، مخلص بھی ہو میرے
انمول محبت کی فضا کیوں نہیں دیتے

اس دور میں جینا تو مرا جرم ہوا ہے
ماضی سے مرا حال ملا کیوں نہیں دیتے

آنکھوں سے کئے جاتے ہیں باتیں بھی جو وشمہ
محفل میں کلام اپنا سنا کیوں نہیں دیتے

Rate it:
Views: 279
12 Feb, 2018
Related Tags on Love / Romantic Poetry
Load More Tags
More Love / Romantic Poetry
Popular Poetries
View More Poetries
Famous Poets
View More Poets