Add Poetry

اسے شاید نہیں رغبت مرے اجڑے مقدر کی

Poet: وشمہ خان وشمہ By: وشمہ خان وشمہ, ملایشیا

اسے شاید نہیں رغبت مرے اجڑے مقدر کی
خبر رکھتا ہے دنیا میں ہمیشہ سے جو گھر گھر کی

انا بھی ہے خودی بھی ہے مری اپنی طبعیت میں
جدائی مار دیتی ہے مجھے اپنے ہی رہبر کی

میں لوگوں کے لیے اب عامیانہ شعر کہتی ہوں
میں اب امید رکھتی ہی نہیں ہوں آپ سے شر کی

نئی کچھ بات کہنے کے لیے بے چین رہتی ہوں
مرے فن کو ملی ہے اب تو گہرائی سمندر کی

گریباں چاک ہے سب کا مگر کس کو خبر ہے یہ
کہ باتیں کر رہا ہے ہر کوئی میدانِ محشر کی

غریبوں سے تو ان کی مفلسی نے زندگی چھینی
‛‛کہ طاقت اڑ گئی ‛اڑنے سے پہلے میرے شہپر کی‛‛

نجانے کتنے موسم زندگی میں تیرے بعد آئے
میں کیوں یہ ٹھوکریں کھاؤں زمانے تیرے در در کی

Rate it:
Views: 293
10 Feb, 2018
Related Tags on Love / Romantic Poetry
Load More Tags
More Love / Romantic Poetry
Popular Poetries
View More Poetries
Famous Poets
View More Poets