بُلبل چہک رہا هے ریاضِ رسول میں

پہلی هے شرط دینِ مُبیں کے اُصول میں
شک کفر کو دلیل هے حُکمِ رسول میں

خُونِ رسولِ پاک کی عظمت نہ پُوچهیے
عصمت کی هے پناہ رداےء بتول میں

کردارِ مُصطفی سے ملی راهِ مُستقیم
اِک اِنقلاب آگیا قومِ جہول میں

وه گرم ریگ زارِ عرب بَن گیا اِرم
ہر سو گُلاب کِهل اُٹهے شاخِ ببول میں

سُن کر اذاں بلال کی بول اُٹهی کائینات
بُلبل چہک رہا هے ریاضِ رسول میں

جو چُهو چُکی هے پاےء شہنشاہِ مُرسلیں
مہکی هے بُوےء خُلد وه صحرا کی دهول میں

صابر جو بُوےء خوش تهی پسینے میں شاه کے
وه بُو نہ عطر میں تهی نہ دُنیا کے پُهول میں