Add Poetry

زلفوں میں تیری یاد کا گجرا سجا بھی ہو

Poet: وشمہ خان وشمہ By: وشمہ خان وشمہ, ملایشیا

زلفوں میں تیری یاد کا گجرا سجا بھی ہو
ہاتھوں پہ میرے پیار کا رنگِ حنا بھی ہو

پھیلے ہوئے ہیں چار سو دشمن حسین کے
ممکن ہے پھر سے معرکہ کرب و بلا بھی ہو

ہر دم تمہارے دل کا میں پیغام پڑھ سکوں
آنکھوں کا تیری سامنے اک آئینہ بھی ہو

تنہائیوں کی سیج پہ جل کر گزار لی
اس زندگی کا روح سے اب فاصلہ بھی ہو

میں اجنبی ہوں شہر میں سودائی تو نہیں
کوچے میں تیرے میرا کوئی آشنا بھی ہو

دل میں ہمیشہ میرے یوں ہی روشنی رہے
حبِّ خدا کے بعد حبِّ مصطفے بھی ہو

وشمہ مری حیات ہے گلشن نما یہاں
آنکھوں کو ایک پیار کا سپنا عطا بھی ہو

Rate it:
Views: 755
16 Oct, 2017
Related Tags on Love / Romantic Poetry
Load More Tags
More Love / Romantic Poetry
Popular Poetries
View More Poetries
Famous Poets
View More Poets