Add Poetry

زندگی یوں ہوئی بسر تنہا

Poet: Gulzar By: sahar, khi
Zindagi Yun Hui Basar Tanha

زندگی یوں ہوئی بسر تنہا
قافلہ ساتھ اور سفر تنہا

اپنے سائے سے چونک جاتے ہیں
عمر گزری ہے اس قدر تنہا

رات بھر باتیں کرتے ہیں تارے
رات کاٹے کوئی کدھر تنہا

ڈوبنے والے پار جا اترے
نقش پا اپنے چھوڑ کر تنہا

دن گزرتا نہیں ہے لوگوں میں
رات ہوتی نہیں بسر تنہا

ہم نے دروازے تک تو دیکھا تھا
پھر نہ جانے گئے کدھر تنہا
 

Rate it:
Views: 2478
07 Jul, 2017
More Gulzar Poetry
Popular Poetries
View More Poetries
Famous Poets
View More Poets