Add Poetry

فون تو دور وہاں خط بھی نہیں پہنچیں گے

Poet: ضیاء مذکور By: Zia Mazkoor, Bahwalpur

فون تو دور وہاں خط بھی نہیں پہنچیں گے
اب کہ یہ لوگ تجھے ایسی جگہ بھیجیں گے

زندگی دیکھ چکے تجھ کو بڑے پردے پر
آج کے بعد کوئی فلم نہیں دیکھیں گے

مسئلہ یہ ہے میں دشمن کے قریں پہنچوں گا
اور کبوتر مری تلوار پہ آ بیٹھیں گے

ہم کو اک بار کناروں سے نکل جانے دو
پھر تو سیلاب کے پانی کی طرح پھیلیں گے

تو وہ دریا ہے اگر جلدی نہیں کی تو نے
خود سمندر تجھے ملنے کے لئے آئیں گے

صیغہ راز میں رکھیں گے نہیں عشق ترا
ہم ترے نام سے خوشبو کی دکاں کھولیں گے

Rate it:
Views: 802
28 Jan, 2017
Related Tags on Urdu Ghazals Poetry
Load More Tags
More Urdu Ghazals Poetry
Popular Poetries
View More Poetries
Famous Poets
View More Poets