Add Poetry

رستے کا انتخاب ضروری سا ہو گیا

Poet: Aitbar Sajid By: Qabeel, khi
Raste Ka Intikhab Zaroori Sa Ho Gaya

رستے کا انتخاب ضروری سا ہو گیا
اب اختتام باب ضروری سا ہو گیا

ہم چپ رہے تو اور بھی الزام آئے گا
اب کچھ نہ کچھ جواب ضروری سا ہو گیا

ہم ٹالتے رہے کہ یہ نوبت نہ آنے پائے
پھر ہجر کا عذاب ضروری سا ہو گیا

ہر شام جلد سونے کی عادت ہی پڑ گئی
ہر رات ایک خواب ضروری سا ہو گیا

آہوں سے ٹوٹتا نہیں یہ گنبد سیاہ
اب سنگ آفتاب ضروری سا ہو گیا

دینا ہے امتحان تمہارے فراق کا
اب صبر کا نصاب ضروری سا ہو گیا

Rate it:
Views: 1760
14 Nov, 2016
Related Tags on Aitbar Sajid Poetry
Load More Tags
More Aitbar Sajid Poetry
Popular Poetries
View More Poetries
Famous Poets
View More Poets