Add Poetry

کیوں اسیر گیسوئے خم دار قاتل ہو گیا

Poet: Abul Kalam Azad By: mubeen, khi
Kyun Aseer Guse E Kham Dar Qatil Ho Gaya

کیوں اسیر گیسوئے خم دار قاتل ہو گیا
ہائے کیا بیٹھے بٹھائے تجھ کو اے دل ہو گیا

کوئی نالاں کوئی گریاں کوئی بسمل ہو گیا
اس کے اٹھتے ہی دگرگوں رنگ محفل ہو گیا

انتظار اس گل کا اس درجہ کیا گل زار میں
نور آخر دیدۂ نرگس کا زائل ہو گیا

اس نے تلواریں لگائیں ایسے کچھ انداز سے
دل کا ہر ارماں فداے دست قاتل ہو گیا

قیس مجنوں کا تصور جب بڑھ گیا نجد میں
ہر بگولہ دشت کا لیلیٰ محمل ہو گیا

یہ بھی قیدی ہو گیا آخر کمند زلف کا
لے اسیروں میں ترے آزادؔ شامل ہو گیا

Rate it:
Views: 1847
10 Nov, 2016
Related Tags on Abul Kalam Azad Poetry
Load More Tags
More Abul Kalam Azad Poetry
Popular Poetries
View More Poetries
Famous Poets
View More Poets