Add Poetry

دلوں میں فاصلے ہوں تو

Poet: ابنِ منیب By: ابن منیب, سویڈن

دلوں میں فاصلے ہوں تو
سفر دشوار ہوتا ہے

اماں نہ دے سکے جو گھر
وہ گھر بیکار ہوتا ہے

دلِ مضطر کی سوزش سے
قلم تلوار ہوتا ہے

ہم اُس کو "شعر" کہتے ہیں
جو دل کے پار ہوتا ہے

بخوفِ بے حجابی کیوں
تمہیں انکار ہوتا ہے

ہمیں کب ہوش اے ظالم
دمِ دیدار ہوتا ہے

انوکھے ساز بجتے ہیں
جگر جب تار ہوتا ہے

کوئی تَو درد کا قصہ
پسِ اشعار ہوتا ہے

اُٹھے بوئے انا جس سے
وہ دل بیمار ہوتا ہے

Rate it:
Views: 869
19 Aug, 2016
Related Tags on Urdu Ghazals Poetry
Load More Tags
More Urdu Ghazals Poetry
Popular Poetries
View More Poetries
Famous Poets
View More Poets