Add Poetry

اے دلِ بیقرار مان بھی جا

Poet: Azra Naz By: Azra Naz , Jhelum

اے دلِ بیقرار مان بھی جا
جھوٹ ہے اس کا پیار مان بھی جا

پھول کلیاں نظر کا دھوکا ہیں
واہمہ ہے بہار مان بھی جا

تجھ کو اپنے کسی ارادے پر
کچھ نہیں اختیار مان بھی جا

آج کے بیوفا زمانے میں
عشق ہے کاروبار مان بھی جا

بس نہ پائے گا اب کبھی شاید
دل کا اجڑا دیار مان بھی جا

زندگی کی یہی حقیقت ہے
تو ہے مشتِ غبار مان بھی جا

سن مرے دل تو چاند چھونے کی
ضد نہ کر بار بار مان بھی جا

Rate it:
Views: 1159
03 Dec, 2015
Related Tags on Sad Poetry
Load More Tags
More Sad Poetry
Popular Poetries
View More Poetries
Famous Poets
View More Poets