Mujhe Wo Kahan Milega

Mujhe Wo Kahan Milega Jo Mujhko Zinda Rakhe
Khud To Rahe Muskurate Mujhe Ghamzada Rakhe

Dard Mitane Aaye Wo Aise Jaise Ho Sunehri Saba
Bundo Ki Tarah Madham,Badal Jaise Sada Rakhe

Pareshaniyon Ko Mehsus Karna Sikhaye Wo Aise Wo
Jaise Pighalti Shama Ko Jalaye Hue Hawa Rakhe

Mujhe Wo Kahan Milega Jo Hathon Me Dua Rakhe
Behte Qatron Ko Roke Muskurane Ki Wajah Rakhe

Mujhe Wo Kahan Milega Jo Labon Pe Shifa Rakhe
Zakhmon Ko Sehlaye Mere Aur Dard Ko Daba Rakhe

Mujhe Wo Kahan Milega Jo Mujhe Aisi Jagah Rakhe
Mai Bhi Poochu Khuda Se Isse Behtar Kahan Rakhe