Add Poetry

اور محفل میں سب کو رلا جائیں گے

Poet: وشمہ خان وشمہ By: وشمہ خان وشمہ, ملائشیا

ہم تو روتے ہوئےآج آ جائیں گے
اور محفل میں سب کو رلا جائیں گے

وہ تو سانسوں میں رہتے ہیں میرے صنم
کون کہتا ہے اب وہ خفا جائیں گے

اک سہارا ملا مشکلوں میں ترا
تجھ کو دنیا سے دیتے دعا جائیں گے

آپ اب تو مری زندگی بن گئے
آپ کیوں مجھ سے ہو کر خفا جائیں گے

تیرے ملنے کی مجھ کو امیدیں بہت
تیری سنگت میں ہم زہر کھا جائیں گے

تم نے چھینی ہے مجھ سے مری زندگی
جاتے جاتے بھی تم کو رلا جائیں گے

ہم نے دیکھا ہے پھیلا ہوا اک جہاں
تیری آنکھوں میں ہم بھی سما جائیں گے

ہم تو آئے ہیں دنیا میں تیرے لئے
رسم الفت کی کر کے ادا جائیں گے

اب جو آئے ہیں ہم آستاں پہ ترے
درد ہجرت کی لے کر دوا جائیں گے

لاکھ پہرے لگادو لبوں پہ مرے
جاتے جاتے بھی دے کر صدا جائیں گے

وشمہ آنکھوں میں رہتا ہے عکسِ قمر
دل کے آنگن میں لے کر سما جائیں گے

Rate it:
Views: 280
26 Aug, 2015
Related Tags on Love / Romantic Poetry
Load More Tags
More Love / Romantic Poetry
Popular Poetries
View More Poetries
Famous Poets
View More Poets