Add Poetry

بے کلی سی ہے

Poet: Ghulam Mujtaba Haashmi Yaasir Al Barkaati By: Ghulam Mujtaba Haashmi Yaasir Al Barkaati, Hyderabad, Pakistan

زندگی میں کوئی کمی سی ہے
کس لیے دل کو بے کلی سی ہے

جب سے واقف ہوئے ہیں ہم ان سے
ساری دنیا ہی اجنبی سی ہے

اب تو آجا کہ مدتیں گزریں
زندگی کچھ تھکی تھکی سی ہے

ہم نے تو کچھ نہیں کہا ان سے
رخ پہ پھر کیوں یہ برہمی سی ہے

اس کی آنکھوں میں ڈوب کر دیکھو
ان میں گہرائی جھیل کی سی ہے

ہے زمانے سے دوستی ا ن کی
ایک ہم سے ہی دشمنی سی ہے

جینا مشکل ہے دورِ حاضر میں
ہر نفس گویا جاں کنی سی ہے

کیا کوئی اپنی جاں سے کھیل گیا
ان کی آنکھوں میں کچھ نمی سی ہے

جانِ محفل تری جفاؤں کی
داستاں کچھ سنی سنی سی ہے

اس نے دیکھا ہے اس طرف شاید
دردِدل میں بھی کچھ کمی سی ہے

بس سماعت پہ اعتبار نہیں
یوں تو آواز آپ کی سی ہے

آدمی آدمی سے ہے نالاں
سب میں احساس کی کمی سی ہے

آمدِ صبح کا ہے غل یاسر
یہ سیاہ رات اب ڈھلی سی ہے

Rate it:
Views: 352
23 May, 2015
Related Tags on Love / Romantic Poetry
Load More Tags
More Love / Romantic Poetry
Popular Poetries
View More Poetries
Famous Poets
View More Poets