سرخی ءِ شرم و حیا دی ہم نے

سرخیءِ شرم و حیا دی۔۔۔۔۔۔۔ہم نے
اُن کے چہرے کو ضیاء دی ۔۔۔۔۔ہم نے

تیری یادوں کے حسیں۔۔۔۔ آنچل سے
غم کے شعلوں کو ہوا دی۔۔ ۔۔ہم نے

اپنی آواز سے ۔۔۔۔۔۔۔۔۔ڈر لگتا ہے
کن خرابوں میں صدا دی۔۔۔۔ ہم نے

تیری راہوں میں بچھا کر۔۔ اے دوست
اَپنی ہستی ہی مِٹا دی ۔۔۔۔۔۔۔ہم نے

تیری دُنیا کو۔۔۔۔۔۔۔ بنانےکے لئے
دل کی بستی بھی جلا دی۔۔۔۔۔ ہم نے

گر گئی ہاتھ سے ۔۔۔۔۔۔اُس کے تلوار
جب بھی زنجیر ہِلا دی۔۔۔۔۔۔ ہم نے

بڑی مضبوط تھی۔۔۔۔۔۔۔۔ دیوارِ انا
تیری خاطر وہ گرا دی۔۔۔۔۔۔ہم نے