Add Poetry

ساتھ کسی کا چھوڑ کے دیکھو

Poet: ارسلان حُسینؔ By: Arsalan Hussain, Ajman

ساتھ کسی کا چھوڑ کے دیکھو
غم سے رشتہ جوڑ کے دیکھو

دکھ کی گرمی کیا ہوتی ہے؟
درد کی چادر اوڑھ کے دیکھو

کیوں نہ آنکھیں اشک بَہائیں؟
خوشیوں کا رُخ موڑ کے دیکھو

یاد کی آندھی آ لپٹے گی
وقت کا دامن جھنجوڑ کے دیکھو

ٹوٹا ہے کیا اندر دل کے؟
نقش کسی کا جوڑ کے دیکھو

اِک گھور اندھیری ہے یہ دنیا
اپنی آنکھیں پھوڑ کے دیکھو

بنجاروں کی منزل جو ہے
سائے کے پیچھے دوڑ کے دیکھو

شاید تم بھی سب کچھ پا لو؟
مجھسے ناتا توڑ کے دیکھو
 

Rate it:
Views: 352
21 May, 2015
Related Tags on Sad Poetry
Load More Tags
More Sad Poetry
Popular Poetries
View More Poetries
Famous Poets
View More Poets