Add Poetry

پیاسے تو تشنگی کا سمندر ہی لے چلیں

Poet: Hasan Shamsi By: F.H.Siddiqui, Lucknow

جائیں جہاں بھی یہ ، دل مضطر ہی لے چلیں
پیاسے تو تشنگی کا سمندر ہی لے چلیں

ہا رے تمام اہل سفر حوصلے تو کیا
آ ؤ ہم اپنے عزم کے لشکر ہی لے چلیں

ناکام میکدے سے یوں جانا حرام ہے
حاصل نھیں شراب ، تو ساغر ہی لے چلیں

کچھ تو نشان زخم تمنا کے ساتھ ہوں
“ آئے ہیں اس گلی میں تو پتھر ہی لے چلیں “

نفرت کی آندھیوں نے کیا در بدر ہمیں
آؤ ہم اپنے گاؤں کے منظر ہی لے چلیں

تسکین زخم دل کے لئے کچھ تو چاہئے
مرحم نہیں نصیب تو نشتر ہی لے چلیں

یہ شعر و شاعری ترے بس کی نہیں ‘حسن‘
وہ کارواں ہے یہ جو سخنور ہی لے چلیں


۔۔۔۔۔۔۔۔۔ جناب ناصر کاظمی کے مصرعہ طرح پر ایک طرحی غزل ۔۔۔۔۔۔۔۔۔۔۔۔۔۔۔

Rate it:
Views: 1590
30 Mar, 2015
Related Tags on General Poetry
Load More Tags
More General Poetry
Popular Poetries
View More Poetries
Famous Poets
View More Poets