Ye Zakhm To Kab K Bhar Chuke Hain
To Phir Ye Dil Mai Kharaash Kaisi
Wo Chor Kar Ja Chuka Hai Mujhko
To Uske Aane Ki Aas Kaisi
Wo Zahar Bhi De Raha Hai Mujhko
Labon Se Apne Laga Laga Ke
Suna Hai Hota Hai Zahar Karwa
To Phir Zahar Mai Ye Mithaas Kaisi
Main Chalte Chalte Jab Thak Gaya To
Zara Tehahr Ke Ye Sochta Hoon
Hai Mera Saaya To Saath Mere
To Phir Ye Mujhko Talaash Kaisi
Khayaal-O-Khaabon Ko Dafan Karke
Jala Diye Hain Sab Khat Tumhaare
"Shams" Phir Nighaahon Ke Koylon Mai
Jali Jali Si Ye Raakh Kaisi