Add Poetry

تیرے حسن سخاوت کیتی(پنجابی)

Poet: muhammad nawaz By: muhammad nawaz, sangla hill

باہروں شہد نتھارے لوک
اندروں کنے کھارے لوک

گلاں گزرے پل دیاں کر کے
دیون پینگ ہلارے لوک

آپنے دل دا چن نہ ویکھن
توڑ لیاون تارے لوک

مٹی تھلے ہتھیں دبے
سفنیوں ود پیارے لوک

میں اوتھے دا اوتھے رہ گیا
لا لا ٹر گئے لارے لوک

سپاں نے تے کیہ لڑنا سی
لڑ گئے پھن کھلارے لوک

تیرے حسن سخاوت کیتی
جت گئے نیں ہارے لوک

ساہنواں دی سولی تے چڑھ گئے
ویکھو ویکھی سارے لوک

ساڈی کلی دے وچ بہہ کے
لبھن محل منارے لوک

ہر جا ویکھے مجنوں صورت
تیرے پیار دے مارے لوک

Rate it:
Views: 1393
21 Aug, 2014
Related Tags on Love / Romantic Poetry
Load More Tags
More Love / Romantic Poetry
Popular Poetries
View More Poetries
Famous Poets
View More Poets