آگہی آگہی نہیں ہوتی

آگہی آگہی ۔۔۔۔۔۔۔۔نہیں ہوتی
زندگی زندگی ۔۔۔۔۔۔نہیں ہوتی

آپ کا دل اگر نہ حاضر۔۔۔۔۔ہو
بندگی بندگی۔۔۔۔۔۔ نہیں ہوتی

وہ جو غالب نہ ہواندھیروں۔۔ پر
روشنی روشنی ۔۔۔۔۔نہیں ہوتی

چاند اپنا نہ ساتھ ہو ۔۔۔۔۔ اپنے
چاندنی چاندنی۔۔۔۔۔ نہیں ہوتی

شوخ ادائیں نہ ہوں اگر اس میں
دلبری دلبری ۔۔۔۔۔نہیں ہوتی

دل کی باتیں اگر نہ ہوں اِس میں
شاعری شاعری ۔۔۔نہیں ہوتی

دوستوں کی اگر نہ ۔۔۔محفل ہو
مے کشی مے کشی۔۔ نہیں ہوتی

تونگری دل کوجب میسّر۔۔۔ ہو
مفلسی مفلسی ۔۔۔۔۔نہیں ہوتی

ذوق ملتے نہ ہوں۔۔ جو آپس میں
دوستی دوستی ۔۔۔۔۔نہیں ہوتی

جس میں ہوتی نہیں ہے رسوائی
عاشقی عاشقی ۔۔۔۔۔نہیں ہوتی

وہ جوکھینچےاگر نہ۔۔۔۔۔ سُولی پر
سرکشی سرکشی۔۔۔ نہیں ہوتی

دشمنوں سے اگر نہ۔ نفرت ہو
دشمنی دشمنی۔۔۔۔ نہیں ہوتی

دیپ روشن رہیں جو یادوں کے
تیرگی تیرگی۔۔۔۔ نہیں ہوتی

حوصلہ گر ملے۔۔۔پیاروں سے
بےبسی بےبسی۔۔ نہیں ہوتی

دل میں احساس ہو جو غیرت کا
عاجزی عاجزی۔۔۔ نہیں ہوتی

وہ جو کھینچے نہیں۔ میرے دل کو
دلکشی دلکشی۔۔۔۔ نہیں ہوتی

دلبری گر نہ ساتھ ہو ۔۔جاناں
دل لگی دل لگی۔۔۔ نہیں ہوتی