Eid Mubarak

Zulfon Ki Siyaah Raat Ko Aji Eid Mubarak
Aankhon Ki Karamaat Ko Aji Eid Mubarak

Dilkash Bhare Lamho Mai Naya Chaand Mera Wo
Uske Naye Khayaalaat Ko Aji Eid Mubarak

Wo Shokh Haseena Mere Dil Jaan Ki Maalik
Gulshan K Us Guldaan Ko Aji Eid Mubarak

Chahre Ki Chaandni Ka Talabgaar Chaand Bhi
Mere Us Mehboob-E-Chaand Ko Aji Eid Mubarak

Wo Door Hai Mujhse To Kya Dil Mai To Mere Hai
Kehta Hoon Apni Jaan Ko Aji Eid Mubarak

Aa Jaaye Wo Nazar To Phir Ho Jaaye Meri Eidi
Us Door-E-Dilnawaaz Ko Aji Eid Mubarak

Mere Shahr Mai Hai Khushi Mousam Hai Eid Ka
Shahr Mai Har Aam-E-Khaas Ko Aji Eid Mubarak.