Zakhm Ho Ya Na Ho

Zakhm Ho Ya Na Ho Magar Koi Masheeha To Ho
Kitna Hai Udaas Chehra Dekhoon Koi Sheesha To Ho

Log Kab Se Khadein Hai Dar Pe Sawaali Bankar
Sabko Sab Kuch Mile Ae Rab Koi Khaali Na Ho

Paon K Chaalon Se Rishta Sa Jud Gaya Hai Mera
Tere Koochon Ki Taraf Aur Koi Rasta To Ho

Main Bohat Door Nikal Aaya Hoon Gaon Se Tere
Ab Kahan Thehroon Bata Koi Apna To Ho

Kyun Vakeelon Ki Tarha Puchte Ho Sawaal "Shamsul"
Maine Kiya Kya Hai Iss Baat Ka Masla To Ho