Dekha Hai Zindagi Ko Kuch Itne Qareeb Se
Chehre Tamaam Lagne Lage Hain Ajeeb Se
Aye Rooh_E_Assar Jaag, Kahan So Rahi Hai Tou
Aawaz De Rahe Hain Peyamber Saleeb Se
Is Reengti Hayaat Ka Kab Tak Uthaen Baar
Beemar Ab Ulajhne Lage Hain Tabeeb Se
Har Gaam Par Majma_E_Ushaaq Muntazir
Maqtal Ki Raah Milti Hai Koo_E_Habeeb Se
Is Tarha Zindagi Ne Diya Hai Hamara Saath
Jaise Koi Nibah Raha Hai Raqeeb Se