Ajab Apna Haal Hota Jo Visaal-E-Yaar Hota
Poet: Daag Dehlvi By: Ramiz Farhan , KarachiAjab Apna Haal Hota Jo Visaal-E-Yaar Hota
Kabhi Jaan Sadqe Hoti Kabhi Dil Nisaar Hota
Na Mazaa Hai Dushmani Main Na Hai Lutf Dosti Main
Koi Gair Gair Hota Koi Yaar Yaar Hota
Ye Mazaa Tha Dillagi Ka Ke Barabar Aag Lagti
Na Tumhen Qaraar Hota Na Hamein Qaraar Hota
Tere Waade Par Sitamgar Abhi Aur Sabr Karte
Agar Apni Zindagi Ka Hamein Aitbaar Hota
Rate it: 
Views: 3356
24 Apr, 2014
More Daagh Dehlvi Poetry
