PURVA

Mein Tera Neel Guggan Tu Meri Purwyee Hai
Dil Ki Dherti Pe Ghta Bun K Tu Lehrayee Hai

Jub Bhi Tanhaee Se Ghabra K Pukara Tum Ko
Meri Her Simmt Se Aawaz Teri Ayee Hai

Teray Chehray Pe Padi Jub Meri Khamosh Nazar
Dil Ko Aisay Laga Berson Ki Shanasayee Hai

Beqarari Ne Sar-e Sham Baddan Tode Diya
Badi Qaatil Shab-e Hijraan Teri Tanhayee Hai

Teri Aawaz Meri Rooh Mein Yoon Utri Hai
Teray Lehjay Ki Alug Apni He Gehrayee Hai

Runj-o Gham De K Mujhay Aap Samajh Baithai Hein
Aazmanay Ko Nayee Raah Nikkal Ayee Hai

Wuh Badalta Hua Manzar Teri Madhoshi Ka
Teri Sanson Ne Ajab Aag C Dehkayee Hai

Zaviyay Tode Ke Nikli Jo Teri Angdayee
Meray Seenay Se Qyamatt Koee Takrayee Hai