سلاخیں توڑنے کی جستجو میں ہے مسلسل
قفس کو چھوڑنے کی جستجو میں ہے مسلسل
بڑا منہ زور قیدی ہے نہیں خاموش بہٹھے گا
ہوا کو موڑنے کی جستجو میں ہے مسلسل
نکل جائے گا پنجرہ توڑ کے تم دیکھ لینا ایک دن
فلک پہ دوڑنے کی جستجو میں ہے مسلسل
زمیں پر ہیں قدم لیکن نگاہیں آسماں پہ ہیں
ستارے توڑنے کی جستجو میں ہے مسلسل
پرندے کی طرح پر پھڑپھڑاتی روح عظمٰی
بدن کو چھوڑنے کی جستجو میں ہے مسلسل
سلاخیں توڑنے کی جستجو مین ہے مسلسل
قفس کو چھوڑنے کی جستجو میں ہے مسلسل