Chamankte Chand Ko Toota Hua Tara Bana Dala
Meri Aawargi Ne Mujh Ko Aawara Bana Dala
Bara Dilkash Bara Rangeen Hai Ye Shaher Kahte Hain
Yahan Par Hain Hazaron Ghar Gharo Mein Log Rahte Hain
Mujhe Is Shaher Mein Galio Ka Banjara Bana Dala
Mai Is Duniya Ko Aksar Dekh Kar Hairan Hota Hoon
Na Mujh Se Ban Saka Chota Sa Ghar Din Raat Rota Hoon
Khudaaya Tu Ne Kaise Ye Jahan Sara Bana Dala
Mere Malik Mera Dil Kyun Trapta Hai Sulagta Hai
Teri Merzi Teri Merzi Par Kis ka Zor Chalta Hai
Kisi Ko Gul Kisi Ko Tu Ne Angara Bana Dala
Yahi Aaghaz Tha Mera Yahi Anjaam Hona Tha
Mujhe Barbad Hona Tha Mujhe Naqam Hona Tha
Mujhe Taqdeer Ne Taqdeer Ka Mara Bana Dala