Add Poetry

تا ابد چمکیں گے یہ نور کے ہالے تیرے

Poet: محمد بلال اعظم By: Muhammad Bilal Azam, Sahiwal

تا ابد چمکیں گے یہ نور کے ہالے تیرے
ہاتھ باندھے کھڑے ہیں چاہنے والے تیرے

یہاں بھی تیرا سہارا ہے صفا کے پیکر
اور وہاں بھی ہمیں درکار حوالے تیرے

یہ بھی ہم ہیں کہ تری ذات کی حرمت پہ نثار
اور ہم نے ہی فرامین بھی ٹالے تیرے

تیری سیرت کے توسط سے ہے روشن دنیا
چار سو پھیلے ہیں دنیا میں اجالے تیرے

شہدِ ایمان میں ڈوبی ہوئی شیریں باتیں
کیسے اندازِ محبت ہیں نرالے تیرے

ہم کہ عاصی ہیں، گنہگار ہیں لیکن پھر بھی
بات میں ذکر ترا، لب پہ ہیں پیالے تیرے

Rate it:
Views: 653
20 Jul, 2013
More Religious Poetry
Popular Poetries
View More Poetries
Famous Poets
View More Poets