Add Poetry

وہ جو چاند تاروں کی ماند پر سر ِ شام راہ سے بچھڑ گئیں

Poet: syed aqeel shah By: syed aqeel shah, sargodha

وہ جو چاند تاروں کی ماند پر سر ِ شام راہ سے بچھڑ گئیں
وہ رتیں تھیں تیرے شباب کی کہیں موسموں میں ٹھہر گئیں

بڑی مختصر تھیں وہ ساعتیں ترے قرب میں تری چاہ میں
تھیں وہ شامیں پیڑوں کی اوٹ تک ہٹی دھوپ پل میں اُتر گئیں

دل ِ بے خبر یہ امید کیوں نہ تراش لمحوں سے خواب پھر
تمہیں جن رتوں کی تلاش ہے وہ رتیں تو آ کے گزر گئیں

یہ کہا کہ رخ میں نقاب سے بڑی دل نشیں لگی آنکھ کیوں
یہ سنا کہ برسی ہیں بارشیں یہ ہوا کہ آنکھیں نکھر گئیں

ترے دم قدم سے آباد تھے یہ دیوار و در سبھی شہر کے
تُو گیا تو ساتھ میں رونقیں ترے مثل ِ گرد ِ سفر گئیں

مرا لفظ لفظ تری باس ہے ترا حُسن ہے تری یاد ہے
تری خوشبوئیں جو چلیں تو پھر بڑی دُُور عکس ِ ہنر گئیں

تھا عقیل کتنا طویل تر یہ جو ہجر ہے مگر اب کے برس
کہاں دن میں دھوپ کی وحشتیں کہاں اب وہ راتیں سُدھر گئیں

Rate it:
Views: 394
22 Jun, 2013
Related Tags on Sad Poetry
Load More Tags
More Sad Poetry
Popular Poetries
View More Poetries
Famous Poets
View More Poets