درد والو دوائیں مدینے میں ہیں

رحمتوں کی گھٹائیں مدینے میں ہیں
کیف کرتی فضا ئیں مدینے میں ہیں

جھومتے ہیں نظارے وہاں دم بہ دم
رقص کرتی ہوائیں مدینے میں ہیں

مشکلوں کے بھنور میں کنارہ ہیں وہ
دور ہوتی بلائیں مدینے میں ہیں

بے وجہ در بدر ڈھونڈتے ہو کہاں
درد والو دوائیں مدینے میں ہیں

جو بھی چاہے کوئی مانگنا مانگ لے
پوری ہوتی دُعایئں مدینے میں ہیں

آؤ گوہر چلیں خالی کاسہ لئیے
بے تحاشہ عطائیں مدینے میں ہیں