لاہور۔11اپریل (اے پی پی):وزیراعظم محمد شہباز شریف نے لسبیلہ کے قریب زائرین کی گاڑی کو پیش آنے والے ٹریفک حادثے میں قیمتی جانوں کے ضیاع پر گہرے افسوس اور رنج کا اظہار کیا ہے۔جمعرات کو وزیراعظم آفس کے میڈیا ونگ سے جاری بیان کے مطابق وزیراعظم نے ٹریفک حادثے میں جاں بحق ہونے والوں کی بلندی درجات کی دعاکی۔
وزیراعظم نےحادثے میں جاں بحق ہونے والے افراد کے لواحقین سے اظہار تعزیت اور زخمیوں کی جلد صحت یابی کے لئے دعاکی۔وزیراعظم نے زخمیوں کو ہر ممکن طبی امداد فراہم کرنے کی بھی ہدایت کی۔
