اسلام آباد۔2اپریل (اے پی پی):الیکشن کمیشن نے خیبر پختونخوا اسمبلی میں مخصوص نشستوں پر منتخب ارکان کی حلف برداری نہ ہونے پرصوبے کی حد تک سینیٹ کے انتخابات ملتوی کر دیئے ہیں۔
منگل کو الیکشن کی جانب سے جاری آرڈر کے مطابق الیکشن کمیشن نے یکم مارچ 2024 کو سنی اتحادکونسل اور دیگر کی درخواستوں پر مخصوص نشستوں کے حوالے سے فیصلہ دیاتھا جسے پشاور ہائی کورٹ میں چیلنج کیاگیا تاہم 4 مارچ کو پشاور ہائیکورٹ نے اپنے فیصلے میں الیکشن کمیشن کافیصلہ برقرار رکھا تاہم ان ارکان سے حلف کامعاملہ ابھی تک التوا میں ہے۔
الیکشن کمیشن نے خیبرپختونخواسے سینیٹ کے انتخابات کو ان ارکان کے حلف تک ملتوی کر دیئے۔
