گزشتہ روز سے انٹرنیٹ پر ایک ایسی تصویر گردش کررہی ہے جس میں ایک شخص کسی عمارت کی کھڑکی کے اوپر کھڑا ہے جب کے پولیس نیچے کھڑکی سے اسے تلاش کررہی ہے۔ اس دلچسپ تصویر کے پیچھے دراصل حقیقی کہانی ہے جو ہم آپ کو اس آرٹیکل میں بتا رہے ہیں۔

یہ واقعہ برطانیہ کے شہر لیورپول میں پیش آیا جس میں 32 سالہ ایٹمنڈ لیکا کو بھنگ کے فارم پر چھاپہ مارنے کے بعد گرفتار کیا گیا۔ ایٹمنڈلیکا نے خود کو بچانے اور پولیس کو چکمہ دینے کے لئے چال چلی اور کھڑکی کے اوپر کھڑا ہوگیا تاکہ پولیس اسے ڈھونڈ نہ سکے۔ البتہ کیمرے کی آنکھ سے خود کو نہ بچا سکا۔

بھنگ کے پودے برآمد

پراسیکیوٹر نے عدالت میں وضاحت کی کہ بھنگ کے فارم کی اطلاع اس وقت دی گئی جب ملزم نے ایک تالہ بنانے والے کو دروازہ تبدیل کرنے کے لیے بلایا تھا۔ پولیس کے مطابق ملزم کے اڈے سے تلاشی کے دوران کم سے کم 200 بھنگ کے پودے بر آمد ہوئے۔ جبکہ ملزم اپنے جرم کا اعتراف بھی کرچکا ہے۔

سوشل میڈیا صارفین کا ردعمل

تصویر سوشل میڈیا پر وائرل ہوتے ہی لوگوں نے کئی دلچسپ تبصرے کیے۔ کچھ لوگوں نے ملزم کی عقل کو داد دی جبکہ کچھ کے مطابق جرم کی نوعیت سنگین ہے اس لئے اسے فراموش نہیں کرنا چاہیے اور ملزم کو سزا ضرور ملنی چاہیے۔