ڈھکن کھلا تھا ۔۔ کراچی میں اسکول جاتی بچی کے ساتھ گٹر میں گرنے کے بعد کیا ہوا؟

image

کراچی: ملیر کے علاقے کالابورڈ ٹاؤن آفس پاسپورٹ آفس والی گلی کے کونے پر مین ہول کا ڈھکن نہ ہونے کی وجہ سے حادثہ، اسکول کی بچی گٹر میں جاگری، علاقہ مکینوں نے اپنی مدد آپ کے تحت بچی کو نکالا۔

شہر قائد کے بیشتر علاقوں میں گٹروں کے ڈھکن غائب ہیں اور مین ہول کھلے ہونے کی وجہ سے حادثات عام ہونے کے باوجود انتظامی اداروں کے کان پر جوں تک نہیں رینگتی۔

ملیر میں پیش آنے والے واقعہ کے بعد شہریوں نے شدید غم و غصے کا اظہار کرتے ہوئے شہری انتظامیہ اور سندھ حکومت سے کراچی میں کھلے مین ہولز بند کرنے کا مطالبہ کیا ہے۔

یاد رہے کہ مون سون سیزن میں بارشوں کے دوران ایک موٹرسائیکل سوار اپنی فیملی کے ساتھ نالے میں گرگیا تھا ۔ اس المناک حادثے میں نوجوان کی اہلیہ جاں بحق جبکہ نوعمر بچہ لاپتہ ہوگیا تھا۔

کئی حادثات کے باوجود شہر قائد میں کھلے گٹروں کو بند کیا گیا نہ مین ہولز پر ڈھکن لگائے جاتے ہیں، آج ہونے والے حادثے میں بچی کو بحفاظت نکال لیا گیا تاہم حکومتی غفلت و لاپرواہی کی وجہ سے مزید حادثات اور نقصان بھی ہوسکتا ہے۔


About the Author:

Arooj Bhatti is a versatile content creator with a passion for storytelling and a talent for capturing the human experience. With a several years of experience in news media, he has a strong foundation in visual storytelling, audio production, and written content.

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.