سندھ حکومت کی جانب سے کورونا ویکسینیشن تاحال نہ کرانے والوں کے خلاف سخت فیصلہ کرتے ہوئے انہیں گرفتار کرنے کا حکم دیا گیا ہے۔
تفصیلات کے مطابق سندھ بھر کے کمشنرز اور ڈپٹی کمشنرز کو احکامات پر عمل درآمد کرانے کے احکامات جاری کر دی گئے ہیں۔ محکمہ داخلہ سندھ نے این سی اوسی کی ہدایت پر صوبے بھر کے کمشنرز کو احکامات جاری کیے۔
موٹر ویز پر سفر کرنے والوں کے لیے کورونا ویکسینیشن 20 ستمبر تک لازمی قرار کی گئی ہے۔ علاوہ ازیں ریل گاڑیوں، ہوم ڈیلیوری سروس کے اسٹاف کے لیے کورونا ویکسینیشن کے بغیر سروس کی اجازت نہیں ہوگی۔
بس سروسز کے عملے کی ویکسینیشن نہ ہونے کے نتیجے میں متعلقہ کمپنی کی بسوں اور اسٹینڈ کو بھی سیل کرنے کا حکم دے دیا گیا ہے۔
ریسٹورنٹس اور ہوٹلوں میں کام کرنے والے اسٹاف کی ویکسینیشن نہ ہونے پر ہوٹل اور ریسٹورنٹ کو سیل کرنے کا بھی فیصلہ کیا گیا ہے۔