ٹماٹر ہر گھر کی ضرورت ہے جس کو خریدنے کے لئے بازار لازمی جانا پڑتا ہے کیونکہ ٹماٹر کے بغیر کھانا بننا ممکن نہیں ہے اکثر گھر میں دہی نہ ہو تو کھانا ٹماٹر میں ہی بنتا ہے آج بھی ٹماٹر میں بنے کھانے لوگوں کو اس لئے پسند زیادہ ہوتے ہیں کیونکہ یہ کھانا جلدی ہضم کرنے میں مدد دیتے ہیں۔ آج ہم آپ کو بتاتے ہیں کہ ایک ٹماٹر کے 4 سلائس کاٹ کر اگر ہم اس کو ایک گملے میں رکھ کر دبا دیں تو کیا ہوتا ہے؟
ٹپ:
٭ ایک ٹماٹر کے چار ٹکڑے کرلیں اور ایک گملے یا پھر کسی پلاسٹک کے برتن میں ڈھیر ساری کھاد اور مٹی ڈال کر ان 4 ٹکڑوں کو دبا دیں۔
٭ اس طرح آپ دیکھیں گے 15 دن بعد روزانہ پانی دینے سے ایک چھوٹا سا پودا نکل آئے گا اور یوں 3 ماہ میں ٹماٹر کا پودا گھر میں ہی اُگ جائے گا۔
٭ ٹماٹر کو اگانے کے لئے اس کے نا تو بیجوں کی ضرورت ہے اور نہ کسی خاص قسم کی مٹی کی تو اب سے ٹماٹر مہنگے ہو بھی جائیں گے تو آپ کو فائدہ ہوگا کیونکہ ہماری ویب میں ہم نے آپ کی سہولت کے لئے سب سے آسان حل بتا دیا ہے۔