جیسا کہ یہ بات ہم سب کے علم میں ہے کہ دنیا بھر میں وبائی مرض کورونا وائرس شدت اختیار کر چکا ہے۔ اس وائرس نے ہزاروں لوگوں کی جانوں کو نگل لیا ہے۔
پاکستان میں بھی اس وائرس سے بچنے کے لیے لاک ڈاؤن کر دیا گیا ہے۔ لوگوں نے اپنے اپنے گھروں میں از خود قرنطینہ اختیار کر لیا ہے۔
لیکن ہم اس قرنطینہ کا فائدہ کیسے اٹھا سکتے ہیں؟ ہم میں سے بہت سے نوجوان گھروں سے کام کر رہے ہیں جبکہ کچھ کی آن لائن کلاسس بھی ہو رہی ہیں، باقی کا تمام وقت ہمارا گھر پر ہی گزر رہا ہے، ایسے میں ہم اپنے والدین کو کس طرح خوش کر سکتے ہیں؟ بجائے اس کے، کہ ہم ہر وقت اپنا وقت موبائل اور سوشل میڈیا پر گزاریں، ہمیں چاہیے اپنے والدین کے ساتھ بیٹھ کر باتیں کریں۔ اپنا زیادہ سے زیادہ وقت انہیں دیں۔ چونکہ عام حالات میں تو ہم چاہ کر بھی اپنی مصروف روٹین سے ان کے لیے وقت نہیں نکال پاتے، اسی لیے اس وقت کو غنیمت سمجھیں۔
گھر کے کاموں میں ان کا ہاتھ بٹائیں، ان سے ان کی زندگی کے یادگار لمحوں کے بارے میں پوچھیں، ان کے ساتھ مختلف گیمز کھیلیں جن سے ان کا بھی دل لگا رہے۔ دن میں کم از کم دو سے تین گھنٹے ان کے لیے وقف کریں، دیکھیں آپ کو کس قدر دلی خوشی اور اطیمنان حاصل ہوگا۔
اس کے علاہ والدین سے ان کی زندگی کے تجربات اور ان سے حاصل ہونے والے سبق سے متعلق پوچھیں اور انہیں یقین دلائیں وہ ان کی تجربے کی روشنی میں اپنی زندگی کی رہنمائی چاہتے ہیں-
اس وقت کو جتنا ہو سکے ان کے لیے اور اپنے لیے یادگار بنائیں۔