اعلیٰ ثانوی تعلیمی بورڈ کراچی نے انٹرمیڈیٹ گیارہویں اور بارہویں جماعتوں کے سالانہ امتحانات برائے 2019ء کے پہلے مرحلہ کے شیڈول کا اعلان کردیا ہے۔
تفصیلات کے مطابق انٹرمیڈیٹ گیارہویں اور بارہویں جماعتوں کے پہلے مرحلہ میں پری
میڈیکل، پری انجینئرنگ، سائنس جنرل، ہوم اکنامکس، میڈیکل ٹیکنالوجی اور کامرس
ریگولر و پرائیویٹ گروپس کے امتحانات کا آغاز بروز پیر 15اپریل 2019 ء سے ہورہا ہے
جو بروز جمعرات 9مئی 2019ء تک جاری رہیں گے۔ صبح کی شفٹ میں ساڑھے نو بجے سے ساڑھے
بارہ بجے تک پری میڈیکل، پری انجینئرنگ، سائنس جنرل، ہوم اکنامکس اور میڈیکل
ٹیکنالوجی گروپس کے جبکہ دوپہر دو بجے سے شام پانچ بجے تک کامرس ریگولر اور
پرائیویٹ کے امتحانات ہوں گے۔