اعلیٰ ثانوی تعلیمی بورڈ کراچی نے انٹرمیڈیٹ حصہ اول کامرس پرائیویٹ اور آرٹس پرائیویٹ گروپس کے سالانہ امتحانات برائے 2018ء کے نتائج کا اعلان کردیا ہے۔
اعلیٰ ثانوی تعلیمی بورڈ کے چیئرمین انعام احمد نتائج کی تفصیلات بتاتے
ہوئے کہا کہ کامرس پرائیویٹ گروپ کے امتحانات میں 4798امیدواروں نے رجسٹریشن حاصل
کی جبکہ 4603امیدوار امتحانات میں شریک ہوئے جس میں سے 702امیدواروں نے تمام سات
پرچوں میں، 743 نے چھ پرچوں، 487 نے پانچ پرچوں، 558 نے چار پرچوں میں، 581 نے تین
پرچوں میں، 636 دو پرچوں میں جبکہ 687 نے ایک پرچے میں کامیابی حاصل کی۔انہوں نے
مزید بتایا کہ آرٹس پرائیویٹ گروپ کے امتحانات میں 6422 امیدواروں نے رجسٹریشن حاصل
کی جبکہ 5864 امیدوار امتحانات میں شریک ہوئے جس میں سے 1314 نے تمام چھ پرچوں میں،
1604 نے پانچ پرچوں میں، 1059 نے چار پرچوں میں، 774 نے تین پرچوں میں، 542 نے دو
پرچوں میں جبکہ 355 نے ایک پرچے میں کامیابی حاصل کی۔