وزیراعلیٰ سندھ جناب سید مراد علی شاہ کی جانب سے اے ون گریڈ حاصل کرنے والے طلباء و طالبات کو انعامی رقم دینے کیلئے اعلیٰ ثانوی تعلیمی بورڈ کراچی نے 28اور 29مئی کو تقاریب کا انعقاد کیا،سرسید گورنمنٹ گرلز کالج ناظم آباد کے آڈیٹوریم میں ہونے والی تقاریب میں اے ون گریڈ حاصل کرنے والے 2524 طلباء و طالبات کو فی طالب علم 25 ہزار روپے انعامی رقم کے چیک دیئے گئے، اس موقع پر وائس چانسلر این ای ڈی یونیورسٹی ڈاکٹر سروش حشمت لودھی مہمان خصوصی تھے جنہوں نے طالب علموں میں انعامی رقم کے چیک تقسیم کیے۔
28مئی کو اے ون گریڈ حاصل کرنے والے سائنس پری میڈیکل کے 1243، آرٹس ریگولر کے
10اور آرٹس پرائیویٹ کے ایک طالب علم کو جبکہ 29مئی کو سائنس پری انجینئرنگ کے
1095، سائنس جنرل کے 29 اور کامرس ریگولر کے 146 طلباء و طالبات کوانعامی رقم کے
چیک دیئے گئے۔جو طالب علم تقریب میں شامل نہیں ہوسکے وہ اپنی انعامی رقم کے چیک 31
مئی سے اعلیٰ ثانوی تعلیمی بورڈ کے اکاؤنٹس سیکشن کمرہ نمبر ایک سے حاصل کرسکتے
ہیں۔اے ون گریڈ حاصل کرنے والے طلباء کیلئے اوریجنل ایڈمٹ کارڈز لانا ضروری ہوگا۔