اعلیٰ ثانوی تعلیمی بورڈ کراچی نے کامرس پرائیویٹ ،آرٹس پرائیویٹ ، امپرومنٹ آف ڈویژن، ایڈیشنل سبجیکٹس اور بینیفٹ سبجیکٹس کے خواہشمند اور اہل ان امیدواروں کیلئے انٹرمیڈیٹ کے سالانہ امتحانات برائے 2018ء کے امتحانی فارمز جمع کروانے کیلئے خصوصی تاریخوں کا اعلان کردیا ہے جو انٹرمیڈیٹ کے ضمنی امتحانات برائے 2017ء میں ایک یا کئی پرچوں میں ناکام رہے ہیں-
ایسے تمام امیدوار اپنے امتحانی فارم بروز بدھ 21 فروری 2018ء سے 7 مارچ
2018ء تک محکمہ تعلیم کے گریڈ 17کے آفیسرز، گورنمنٹ کالجز اور اسکولز کے پرنسپلز
اور ہیڈ ماسٹرز سے تصدیق اور انٹربورڈ کے متعلقہ سیکشن سے ضروری تصدیق کے بعد بورڈ
آفس میں واقع حبیب بینک کے بوتھ میں جمع کرواسکتے ہیں،جو امیدوار درج بالا تاریخ
میں امتحانی فارم جمع نہیں کرواسکیں وہ پانچ سو روپے لیٹ فیس کے ساتھ بروز جمعرات
8مارچ سے 15 مارچ 2018ء تک جبکہ ایک ہزار روپے لیٹ فیس کے ساتھ 16مارچ سے 22مارچ تک
امتحانی فارم جمع کرواسکتے ہیں، تاریخ گزرنے کے بعد امتحانی فارم قبول نہیں کیے
جائیں گے۔